منتديات عمالقة السات - عايز ابقى فنى دش دورة مجانيه هتنقلك من الهوايه الى الاحتراف فى مجال الدش

الله ينور يابوصلاح

النقل بذكر المصدر ودعوة فى ظهر الغيب تكفى
دورة مجانيه هتنقلك من الهوايه الى الاحتراف ان شاء الله مش هتلقيها فى اى مكان تانى خبرات سنين تعلم تركيب الاطباق الثابت وحساب مسافة المساطر بين الاقمار بطريقة احترافية وتركيب المتحرك وتعريف الفيد واستقباله بطريقة اسهل من شرب الميه واعطال الاشارة ومشاكل السيرفر والتهنيج والشنج للريسيفر وتعريف المالتى ستريم واخطاء سلذجة بنقع فيها بتبوظ اجهزتنا انسخ الدورة وارجع ليها لو صدفتك مشكلة
1- عايز ابقى فنى دش للعلم بالشئ واضبط اطباقى ممكن ؟
الدرس الاول يليه دروسش اخرى عن طرق الاستقبال ومشاكل الاستقبال ان شاء الله
بص ياسيدى اول حاجه تكون معاك عده وهنتكلم فى الاطباق الثابته بلاش المتحرك الوقتى هتجيب مفتاحين 13 و مفتاحين 10 و مفك وبينسه هيا دى العده طبعا تقفيل الطبق معروف لو مش عارفه بص على اى طبق راكب وانت هتقفله بسهوله لكل قمر درجه اقمار الشرق بيرمز ليها امام اسم القمر فى الريسيفر بحرف E واقمار الغرب بيرمز ليها بحرف W وتاخدها قاعده برضه اقمار الغرب بتبقى على ايدك اليمين وانت خلف الطبق واقمار الشرق بتبقى على ايدك الشمال اتجاه قبله الصلاه والعكس صحيح وانت امام الطبق نيجى لتانى نقطه اتجاه العدسه اقمار الغرب ومعاها اقمار الشرق حتى قمر بدر ليها اتجاه واقمار اقصى الشرق ليها اتجاه تانى عكس اتجاه اقمار الغرب دى الاساسيات نجى لنقطه مهمه تردد القمر اللى هتضبطه هتنسخ بوست من جروب او منشور من منتدى لاقوى الترددات واضعفها لكل الاقمار هتاخد التردد القوى تضبط عليه وطريقه الضبط هتحرك الطبق للاتجاه اللى انت عايزه سواء شرق او غرب مع رفع وخفض الطبق ببطء حتى تلقط اشاره تحاول تعليها وتشوف التردد الضعيف جاب معاك اشاره ولا لا لو جاب كده معاك كل الترددات المتاحه مجابش حاول تجيب اشاره وطبعا تاخد بالك ان للترددات اقطار معينه يعنى فيه ترددات لا تستقبل على طبق 70 او 85 عايز طبق 100 وطبعا وانت بتقفل الطبق قبل الضبط تكون مهوى المسامير لسهوله التحريك وبعد الضبط هتربط المسامير كويس وقبل كل ده تكون مركب صاموله السلك الشعر لا يلمس النحاس علشان متبوظ الريسيفر ويكون السلك مش مقطع وتتاكد من ده كله ازاى هتجيب الاشاره على الريسيفر لو لقيت شريط اشاره السلك بتبقى اساميه مختلفه مره الجوده ومره الاشاره لقيت اشارته موجوده كده المنظومه عندنك تمام
2- عايز ابقى فنى دش الدرس التانى
مشاكل هتقابلك وانت بتستقبل
1 -- اول مشكلة ودى حته فنيه جدا هتلقى الاشارة مش بتضبط معالك غير لما تلف العدسه عكس وضعها الطبيعى وترددات كتير مش جايبه اشارة كده يامعلم الطبق مفتول هتعمل ايه هتفكه خالص وهتاخد الحلة وتحطها على ارض مستويه بلاط او سيراميك وتدوس على حواف الطبق لحد متلقى الحله ملمسه الارض مفيش اى فراغ
2-- ترددات ضعيفة شغاله وترددات قويه زى المجد قران مش شغاله كده من غير اى كلام تغير العدسه
3-- القطعة المخرجين موصله على اتنين ريسيفر واحد شغال والتانى اغلب الترددات مش شغاله برضه من غير كلام تغيرها وتجيب نوع كويس زى بيرفيكس او ستار سات متتعبش نفسك
4-- تكسير فى الاشاره كده لزم تجيب ريسيفر تانى وتجربه لو اشتغل كويس يبقى الريسيفر اللى بيكسر فيه مشكلة وعايز صيانه لو استمر التكسير غير السلك كده السلك بيهرب
5-- الطبق مضبوط كويس بس فيه ترددات مش شغاله زى سى بى سى او اون سبورت كده ياريس تشويش هتعمل ايه هتجيب خشبه عريضه وتحاول تعمل حاجز بينها وبين الطبق عن مسافة واول الاشارة ما تيجى تثبتها كده انت منعت التشويش عن الطبق
6- - قنوات اشارتها قوية ومش شغاله زى ارينا سبورت وغيرها هتشوف طول السلك لو اكتر من 40 متر لزم تجيب سلك نضيف وغالى او تتاكد ان السلك مفيهوش اى لحامات
7 --- مركب دايزك ومفيش اشاره او ضعيفة بكل بساطه هتفك باقى سلوك الاقمار الواصله على الدايزك وتسيب السلك اللى الاشاره ضعيفه لو جات الاشارة كده الدايزك بيهرب ولزم تغيره بنوع كويس زى الترومان
8--- القنوات العمودى شغاله والافقى واقفه او العكس كده لزم نجيب ريسيفر تانى للتاكد ان الريسيفر بتاعنا مفيهوش مشكلة لو القنوات اشتغلت على الريسيفر التانى كده الرسيفر بتاع عايز صيانه ولو الريسيفر من النوع المنى جرب عدسة ريموت تانيه لانها بتعمل المشكلة دى وكمان لما يحصل تقطيع من الريسيفرات المنى تجرب ادابتور كهربا تانى لانه بيعمل المشكلة دى طيب لو الريسيفر التانى قاطع قطبية برضه كده القطعة فيها فيها اتجاه محروق وتغيرها
9 -- مفيش اشاره ولا جوده والسلك سليم ومتوصل صح هتفك صمولة السلك وتتاكد انك موصل الشعر لجسم الصموله والنحاسه مش ملمسه فى الشعر علشان القفله
3- عايز ابقى فنى دش الدرس الثالث الجامد جدا
ضبط الاقمار على المسطرة بطريقة سهلة جدا
فى البداية خدها قاعدة مسافة درجة القمر بتساوى 1.10 سم لو القطعة من اصحاب الكفر العريض الدرجه هتساوى 1.11 ولو من الكفر الرقيق هتساوى 1.9 مش هتخرج عن كده نيجى للعملى بقى هنضبط الهوتبيرد سنتر والنيل سات مسطرة والربسات مسطرة عايزين نعرف المسافة بين النيل سات والهوتبيرد
الهوتبيرد درجته 13 شرقا والنيل سات 7 غربا هنحسبها بالشكل ده
13- 0 = 13 13+7 = 20 20° هنضرب القيمة 20° مع النسبة المسافة 1.10 20X1.10= 22cm كده المسافة بين القطعة فى حالة تركيب الهوتبيرد والنايل سات هي 22 سم تقيس بمتر 22 سم وتركب مسطرتك
نيجى للهوتبيرد والعربسات
الهوتبيرد 13 شرقا والعربسات بدر 26 شرقا نحسبها كده
26 - 13 = 13° 13X1.10=14.3cm
يعنى المسافة بين الهوتبيرد والعربسات 14.3 سم تقيسها بمتر وتركب مسطرتك وتحسبها بالشكل ده مع كل الاقمار حد هييجى يقول هتختلف من طبق 100 الى 85 او 70 هقوله مفيش اختلاف المسافة بين الاقمار واحدة وثابته
4- عايز ابقى فنى دش الدرس الرابع الصعب بس باذن الله الصعب معانا سهل وسهل جدا
تركيب الطبق المتحرك بتردد واحد واستقبال الفيدات والسوبر
هشرح ازاى نركب الطبق المتحرك بطريقه سهله جدا او حاجه هنجيب الماسورؤه ونثبتها بخرسانه ونوزنها ميزان ميه من الاربع اتجاهات ومن فوق هتجيب حله الطبق تركبها على الماسوره بعد ما تكون نشفت خالص هنجيب القطعه بتاعتا لو طبقنا مسطح هنقص اول حلقه ونص من فيد القطه لاستقبال افضل لو عميق هتركب عليها فيد خماسى بتاع اى قطعه فوجى قديمه طيب تعرف الطبق عميق ولا مسطح ازاى هتجيب خشبه وتحطها على حواف الطبق وتقيس من الخشبه الى عمق الطبق لو المسافه 36 سم وانت طالع يبقى الطبق عميق لو يقل عن 36 سم يبقى مسطح وتضبط بؤره الطبق هتجيب ماسوره مفتوحه من الجانبين وتركبها مكان القطعه وتسلط داخلها كشاف ليزر وتشوف لو شعاع النور سقط على منتصف الطبق بالضبط تبقى البؤره مضبوطه نخش على ضبط المدار اول حاجه هنضبط قمر القوس عربسات 30.5 شرقا هنخلى الطبق سنتر عليه بالضبط وتجيب التردد 10921 افقى 17000 وتجيب اعلى اشاره وهو تردد قوى خاص بقنوات السعوديه كده تمام هتنزل بالطبق على الهوتبيرد تردد 11175 افقى 27500 تردد قوى هتجيب اعلى اشاره وتطلع على القمر الازرى 46 شرقا التردد 11175 افقى 27500 تردد قناه ادمان هتجيب اعلى اشاره ممكن مش شرط تفقل شريط الاشاره بس تبقى متاكد ان دى اعلى اشاره تربط مسمار الارتفاع وتنزل على الاوروبى التردد 11175 وتشوزف الاشاره وترجع تانى على الازرى التردد 11175 وتحاول توفق اعلى اشاره ممكنه على التردد بين الاوروبى والازرى اربط طبقك ومبروك عليك المدار كامل بالفيدات والترددات السوبر فيه اسهل من كده
الفيدات
القنوات المؤقته او زى ما بنسميها الفيدات استقبال الفيدات بقى مهم جدا وعليه اقبال بسبب قلة القنوات الناقلة خصوصا لمباريات الاندية فى افريقيا خصوصا وهيا عبارة عن تردد وشفرة متفق عليها بين الشركة الناقلة للحدث والقنوات المالكة للحقوق بتكون بث من عربة النقل خارج الاستاد للقمر الصناعى على تردد زى ما قولنا متفق عليه القنوات وبتاخده وتحط اللوجو بتاعها والمعلق فيه ناس اسمهم صائدى فيدات بيجيب التردد وبينشروا وفى الغالب الفيد بيظهر قبل المباراة بساعتين ممكن اكثر وبتلقى الفيدات على العديد من المواقع نجم سات مصراوى سات والعديد من المواقع
طيب الفيد ده سهلة استقباله طبق كبير وخلاص ؟
طبعا لا استقبال الفيدات منظومة كاملة اى خلل فيها هياثر معاك فى الاستقبال يعنى لزم طبق اقل حاجه 180 مضبوط المدارعلى الشعرة والبعد البؤرى مضبوط + عدسة قوية وتعدلها لاستقبال افضل بمعنى لو طبقم مسطح تقص اول حلقة ونص لو طبقك عميك هتعدلها فيد خماسى وهو الافضل وطبعا حوت الفيدات الترومان 2 مخرج الطويلة القديمة وهرفق صورتها + سلك خامة نضيفة وتعلى بالخامة جدا لو زاد طوله عن 40 يارده اللى بتساوى 85 سم الافضل السويدى + ريسيفر توينر حساس للاشارة وده هيفرق معاك جدا فى الفيدات الضعيفة + قبل كل ده مكانك يسمح باستقبال الفيدات ولا حضرتك خارج التغطية
اهم اقمار الفيدات
يوتلسات 7 شرقا مميز جدا فى فيدات افريقيا تضمن ازاى انك تستقبل كل االفيدات الممكنه على القمر ترددين تستقبلهم باعلى اشارة ممكنه تردد فيد الدورى الانجليزى 11021 عمودى 7200 وتردد فوكس سبورت 12556 عمودى 4035 استقبلتهم باشارة عليه معاك كل الفيدات الممكنه
يوتلسات 10 شرقا مهم برضه لماتشات افريقيا والمصارعة تستقبل تردد 10756 عمودى 2480 لقناة TV Zimbo وده تردد فى اماكن اشارته عاليه وامكان بيعتبر تردد سوبر وكمان اهم تردد اللى بيعتبر المقياس الحقيقى لاستقبال فيدات القمر تردد 10840 عمودى 2061 لقناة ORTC باعلى اشارة ممكنه مش مهم كام بس تكون هيا اعلى اشارة كده يبقى معانا كل الفيدات الممكنه على القمر لو مش مستقبل على يوتلسات 7 و 10 شرقا الترددات اللى قولتها انت كده محتاج ضبط لطبقك
5 - عايز ابقى فنى الدرس الخامس
انواع مكونات الدش اطباق وقطع ودايزك وسلك دش واخطاء بنقع فيه لابد من تلفيها سوء استخدام للريسيفر
هنبدء باخطاء بنقع فيها واحنا بتعامل مع الريسيفر اول الاخطاء لما نحمل ملف قنوات مسحوب من سوفتات قديمة لريسيفر على سوفت احدث من الاشباه بيهنج الجهاز وبيخليه تقيل معاناويعمل مشاكل فى السيرفر والكلام ده مش لكل الانواع المشكلة بتبقى لاغلب انواع الكيوماكس
2- خطا شنيع بنقع فيه وربنا بيسترها بنركب سلك الدش والريسيفر شغال ممكن يكون الشعر فى السلك ملمس النحاس تعمل قفله فى الريسيفر اللى اغلبه مفيهوش مقاومة حمايه على التوينر الجهاز ممكن يضرب منك افقى او عمودى او يجيب بروسيسر فى اسوء الاحوال او عطل فى الباور المفروض تتاكد من السلك ومتركبوش اللى وانت فاصله الكهربا حتى لو لو متاكد ان السلك واصل صح
3- خطا تانى شنيع برضه بتوصيل وصله 3×3 من الريسيفر الى التلفزيون او الصب و الريسيفر شغال كهربا المشكلة ان اغلب التلفزيونات الاين فيها بيهرب فبيدخل كهربا زياده للريسيفر وخصوصا فى فصل الشتاء فممكن يضرب منك بيروسيسر او زى حالاتى قطع معايا فيديو واديو من البروسيسر فرميت الجهاز اتش دى ايام ما كان علشان تشتريه تعمل جمعيه وطبا الصب بيخرج كهربا زياده تعمل نفس المشكله
4 - نفس النقطة التانيه متوصلش الدايزك او تغير فيه والريسيفر واصل كهربا
5- خطا بيقع فيه ناس كتير تركيب سلك الدش داخل ماسورة فى الحائط داخل الشقة وبيجيب سلك ضعيف الحركة دى بتتضعف الاشارة وش عايز تجيب سلك تركبه داخل الحائط وميضعفش الاشارة متبخلش وهات سلك السويدى المتر ب 15 ج بس هتنساه
مكونات الدش
افضل انواع الاطباق البريفكس بكل احجامه ومن بعده الكامكس وبعده الاسترا كويسين على مختلف الاقمار وبعده بمراحل باراكليبس بس الباراكليبس ال 70 كويس على النيل سات
2 القطع افضل القطع اللى معدل الشوشرة فيها 1db والمعدل ده موجود فى اغلب القطع بس للاسف تحليت بضاعه انما المعدل الصحيح بيبقى موجود فى القطع الماركات فقط حقيقى زى ستار جولد كل القطع الموجوده فى السوق رديئه حتى البريفكس اللى منتشر منها نوعيه زفت فى القطع الجديده ستار سات كويسه وبانوراما وقطع شركة الفا فاجئتنى بصراحة وتايجر معقولة افضل حل القطع القديمه زى الاوريون والبريفكس بكل انواعها وستار سات وتلفاز وترومان وغيرهم والقطع دى مش للاطباق الكبيرة بس للصغيرة ايضا
3- الدايزك افضل دايزك فى السوق الترومان وبعده استرا غير كده كل الدايزك واحد
4-سلك الدش افضل نوع سلك فى السوق السويدى وسعره 15 ج للمتر بعده السلك الامريكى وبعده الايطالى وبعده الاسبانى والباقى كله تقليد
اعطال الاشارة والحلول
الريسيفر قاطع اشارة نهائى او قاطع عمودى اوافقى وطبعا عملت ضبط مصنع واتاكدت من اعددات الهوائى انها صحيحة
1- اول حاجة بسم الله الرحمن الرحيم تاخد الريسيفر تجربه على طبق تانى شغال لحصر العطل طيب الريسيفر مشتغلشى كده خلصانه الريسيفر عايز صيانه طيب الريسيفر اشتغل افقى وعمودى تمام تاخدها واحده واحدة
2- تركب سلك الدش عندك فى الريسيفر وتدخل على التركيب وتشوف موجود وتشوف اشارة السلك واصلة ولا لا لو مش واصله عيب سلك ممكن مقطوع او قدم وعايز تغيير طيب اشارة السلك موجوده شوفت النقطة اللى بعدها
3 - تركب سلك الدش اللى نازل على الريسيفر مباشر فى العدسة مباشر من غير دايزك لو مركبه وتتاكد ان الطبق مضبوط الريسيفر اشتغل يبقى مدخل الدايزك ضرب تغير المدخل اللى مركب فيه القمر فى الدايزك وليكن نايل سات 1 نخليه 4 على الدايزك لو مشتغلشى يبقى الدايزك اتحرق تغيره والافضل تعمل وصلات جديدة بين الدايزك والعدسات وخد بالك فيه ترددات كتير بتعدم على جودة السلك ولو طول السلك عندك 50 لزم سلك خامة نضيفه طيب الدايزك سليم شوف النقطة اللى بعده
4 - لو مركب عدسة اتنين مخرج جرب عدسة تانى تكون شغاله لو الريسيفر اشتغل تغير العدسة وش مشتغلشى شوف النقطة اللى بعدها وتاخد بالك ممكن العدسة تكون قاعة استقطاب وبتحصل كتير تلقيها قاطعة افقى او عمودى لو تعرفها ازاى تعكسها عن وضعها الطبيعى تخليها زى عدسة الياه سات ولو المشكلة على الياه سات تخليها زى ميل عدسة النيل سات كده انت بتخدع الريسيفر لما تعكسها هتشغل الافقى القاطع مثلا ويقف العمودى الشغال والعكس
5- طيب ترددات مفيش اشارة زى اليفن فى الغالب بيبقى تشويش بتعمل حاجز فى اتجاه شبكة المحول اللى عامله المشكلة
6- لو الريسيفر منى صغير تغير ادابتور الكهربا بواحد 2 امبير وتجرب
7 - تغير عدسة الريموت للريسيفرات الصغيرة فى حال قطع افقى
8- لو عملت كل ده والريسيفر مشتغلشى يبقى ايسى اشارة للاسف سواء للريسيفرات الصغيرة او الكبيرة
9- كل الحلول دى ومفيش فايدة كسر ام الريسيفر واشترى غيره وارتاح وريحنا
***** احترس اخطاء ساذجة بتبوظ الريسيفرات حصلت فعلا وكتير بسبب الاستهتار ***
1- توصيل سلك الاشارة والنحاسة ملمسة الشعر تضرب معاك ايسى اشارة او ايسى بور او بروسيسر فى اسوء الحالات فى غمضة عين لزم تتاكد ان النحاس مش ملمس الشعر فى سلك الدش وكمان تكون فاصل الريسيفر كهربا قبل تركيبه
2- توصيل وصلة 3×3 فى التلفزيون او الصب والريسيفر شغال وليه التلفزيون ممكن الريسيفر ياخد كهربا زيادة ويجيب شورت اوديو وفيديو وفى الغالب مبيتصلحش فى الريسيفرات الاتش دى او بروسيسر فى اسوء الحالات لزم تركبه وانت فاصل الريسيفر كهربا
3- لحام سلك الدش او تركيب الدايزك او قطع سلك الدش والريسيفر شغال نفس اخطار اول نقتطين وتزيد عليها الدايزك يتحرق
تعريف نظام بث الملتى ستريم واهم الباقات العاملة عليه
الملتي ستريم ( البث المتعدد ) هو تقسيم الترددات إلى أكثر من حزمة كل واحدة ذات ضغط رقمي ويمكن جمع قنوات Sd مع قنوات Hd على نفس التردد كما يمكن أن تشمل كل حزمة قنوات تلفزيونية وراديو وبث أرضي وقنوات تحت الطلب وقنوات الداتا المتعددة على ترددات مخصصة للإرسال الرقمي الأرضي Tnt و Dtt وكل ذلك على تردد واحد وبأقل تكلفة لكن يتطلب ذلك أجهزة ذات تونير خاص ومتطور وعادة هذه الترددات تكون مخصصــة لخدمــة اٍعــادة الارســال الرقمـي الأرضيTNT أو DTT بحيـث يتم ارســال التردد عبر القمر لاستقبالـــه واعادة بثه في مناطــق بعيدة او لتفادي مشاكل التضاريس الجغرافيـــة في هذه الحالة القمر ما هو اٍلا وسيـط للعبـور بالتردد الى منطقة معينة
الباقة الايطالية على يوتلسات 9 تردد 12341 عمودى 31400
الباقة الاسبانية على الهيسباسات تردد 12544 عمودى 29600
اخطر مشاكل التهنيج والسيرفر
احذر 99% من مشاكل الاجهزة من تهنيج والسيرفر بيقطع وبيفصل عيبه من ملفات القنوات الملف بيبقى مسحوب من سوفت اصدار اعلى من اللى على جهازك او اصدار اقل افضل حل ضبط مصنع وبحث وترتيب يدوى وكمان السوفت الاصلى لجهازك افضل على السيرفر المدفوع من التحويل وفيه اجهزة زى الحاملة لسيرفر الفورايفر والفانكام السوفت مصمم للتقطيع على السيرفرات المدفوع لشجيع الناس على التجديد معاهم وتتغلب على المشكلة بسيرفر اللى هيشتغل احسن من السيسكام والسبب ان الميجاكام اسرع فى جلب الشفرات من النت غير السيسكام البطئ فى جلب الشفرات
طبعا مع الممارسه هتاخد خبرة