منتديات عمالقة السات - طبقك عنده كورونا ياحاج

موقف من سنه مش قادر ابطل ضحك من وقتها
أتخيل انك رايح لفنى وبتقوله قنوات دى ام سى وابوظبى مش شغالين عندى
فسالته السلك قديم ياحاج
رد الزبون لا لسه جديد وكل القنوات شغاله الا القنوات دى
فسالته فيه عمود كهربا ضغط عالى جنب منك ياحاج
فرد الزبون ايوه
فبكل برودة دم قولتله طبقك عنده كورونا ياحاج
اتخيلوا منظر الزبون وهو منفعل انت مجنون يابنى
فرديت وانا بضحك ليه كده ياحاج طبقك فعلا عنده كورونا ولزم يتعالج
الزبون اتجنن خالص وقعد يضرب أخماس فى اسداد ايه اللى بتقوله ده يابنى عيب كده
رديت بكل ادب ورب الكعبة طبقك عنده كورونا ياحاج
وقبل ما الزبون تروح منه خالص فهمته بسرعة قولتله كورونا مش الفيروس دى ظاهرة بتتولد من خطوط التيار العالى اسمها التفريغ الهالى بتعمل مجال كهربائى اسمه كورونا الضغط الكهربائى العالى بيولد ترددات ضارة العدسة الغبية بتحويلها للريسيفر مع ترددات القمر الصناعى فبتشتت إشارة التردد الأصلية وتخلى مفيش إشارة أو القنوات تقطع وده حلها سلك دش خامة نضيفة بينقح الإشارة وبيفصل الترددات الضارة عن ترددات القمر الصناعى وده تشويش وحله سلك نضيف وسألته فهمت حاجة ياحاج
بص ومش عارف يقول ايه فقال ايوه فهمت فسألته طبقك عنده كورونا ولا لأ ياحاج
رد عنده طبعا ويلا نعمله مسحة