منتديات عمالقة السات - قبل ما تعمل سوفت لجهازك ادخل هنا الأول

اولا لازم تعرف اذاي تختار السوفت المناسب لجهازك قبل ما تعمل السوفت
لإن اي اختيار غلط للسوفت هيدخلك في مشاكل هتضر جهازك
انا بإذن الله هشرحلكم اذاي تختار السوفت المناسب لجهازك
1_ لازم تعرف اصدار السوفت الموجود في جهازك ودا بيكون عن طريق الضبط-حول الهاتف-رقم الاصدار
او عن طريق الريكفري لو جهاز بيه مشاكل ومش بيفتح خالص
بتضغط علي زر الهوم + زر رفع الصوت + البور في وقت واحد
بيدخلك في وضع الريكفري بتلاقي رقم الاصدار في اعلي الشاشه

2_ بعد ما بتجيب رقم الاصدار هشرحلك اذاي تختار السوفت المناسب
رقم الاصدار بيكون مثلا G532FXXU1APL1
دا اسم الجهاز G532F
ودا اصدار البيسباند XXU ودا مهم جدااااااا لازم يكون مطابق ميكونش مختلف
يعني ما ينفعش تدي لجهازك
دا XXS ولا دا XWU
فلازم ناخد بالنا من النقطة دي
ندخل علي تاني نقطة مهمه جدااااااا
وهي رقم 1 اللي بعد XXU ودا بيكون مستوي الحماية فلازم يكون مساوي لنفس الرقم او اعلي منه
يعني مثلا لو الرقم دا 5 ماينفعش تديلة سوفت الرقم فية 1 او 4 لازم يكون مساوي لة او اعلي
لإن لو اخد اقل هيفقد ime فنخلي بالنا
اما باقي رموز السوفت فمفيهاش خطر علي الجهاز لو خصل اختلاف
هشرحلكم باقي الرموز
رمز A يدل علي اصدار الفلاشة
رمز p يدل علي سنه الاصدار وهي 2016
فالرمز p ترتيبة 16 في الحروف وهكذا
رمز L يدل علي الشهر وهوا التاسع
رقم 1 وهوا اليوم

وبكدا اكون شرحتلكم كل حاجة خاصة بالسوفت
واللي حابب اجبله السوفت الصحيح الخاص بجهازة ياخد اسكرين شوت من حول الهاتف وانا ابعته لة

اخوكم محمد القن
فني سوفت وير وهرد وير موبيل