منتديات عمالقة السات - أسباب ترحيل الماتور للاطباق المتحركة

منتديات عمالقة السات (https://www.amalqtsat.com/vb/index.php)

- - أسباب ترحيل الماتور للاطباق المتحركة (https://www.amalqtsat.com/vb/showthread.php?t=1019)

أسباب ترحيل الماتور للاطباق المتحركة

بسم الله الرحمن الرحيم
ترحيل الماتور
يعني ايه الماتور بيرحل ؟؟؟
يعني حضرتك مولف الوحده علي رقم معين لما بتضغط علي الرقم ده الماتور بياخد الطبق اوتوماتيك ويروح للقمر ده زي ماحضرتك مسيفه.
لكن لسبب ما الماتور ياما يعدي القمر بتكه او اتنين او ييجي قبل القمر بتكه او اتنين وتضطر حضرتك تدي التكه دي يدوي علشان تجيب اعلي اشاره للقمر .والحقيقه الحركه دي متعبه وبتعصبنا جامد .وفي التقرير ده هنحاول نشرح اسباب الترحيل وعلاجه ومشكله اخري مرتبطه به.
اسباب الترحيل:
*اهم سبب هو تاكل جلب مسمار المحور النحاس وبالتالي بيبقي فيه بوش حوالي مليمترات بعوضهم بالتكه اللي قلنا عليها.
الحل:تغيير الجلب باخري سليمه.

*مسامير البولار غير مربوطه باحكام وخاصه مسمار المحور اللي ماسك اليو بتاع البولار•
الحل:ربط كل مسامير البولار باحكام بما لايؤثر علي جوده المدار.

*مسامير الماتور غير مربوطه باحكام في دراع الطبق وفي لقمه البولار.
الحل:ربط مسامير الماتور باحكام .

*عيب وخشانه في بليه الدراع تمنع وصول الدراع بالطبق لمكانه السليم.
الحل :تزييت البليه كويس للمساعده علي وصول الطبق للقمر ولو استمرت يجب تغييردراع الماتور بالكامل.

*ضعف وحده التحريك نفسها ولذلك ماتقدرش توصل 36 فولت للماتور وبالتالي الماتور مايروحش للقمر بالظبط .
الحل:استبدال الوحده المحركه باخري.

*بعض عيوب وحدات التحريك نفسها حتي وهي جديده خاصه تصنيع الصين وده عيب موجود في ماركه مشهوره بس صناعه صيني وبترحل زي ماهي وهي خارجه لسه من كرتونتها .
الحل :الوحده هي سوبرجاك ez6000 الصيني مش التايواني 99 قمر ووحده تانيه اسمها جيوتراك السوداء 24 قمر.بلاش منهم خالص.

*ممكن يكون سلك التوصيل ذات نفسه ردئ ومايوصلش الكهرباء المظبوطه للماتور فيحدث الترحيل.
الحل:غير السلك لاخر ذو جوده عاليه.

*في بئه حاجه مهمه جدا بتعمل ترحيل وهو انك تكون شاري وحده اوتوماتيك صاحبها كان مشغلها عادي وتيجي توصلها توصيله الاوتوماتيك وتسيف فتلاقي ترحيل.
الحل:تخلع الوحده خالص وتفرمتها وبعدين توصل توصيله الاوتوماتيك وتجيب اول المدار وتفرمتها تاني وتبدا تسيف هتظبط معاك.

*في مشكله بتظهر في الوحدات وهي انها بتتحرك في اتجاه واحد وليكن الشرق ولما تجيب قمر من الغرب تدي error ودي ياما شورت في توصيله السلوك ياما في 2ريليه داخل الوحده واحد للشرق وواحد للغرب احدهما بايظ.
الحل:تغيير القطعه دي بواحده سليمه بواسطه كهربائي او فني هاردوير.
ارجو ان اكون وفقت في عرض المشكله وحلولها.دمتم بخير .

http://www.mohandsen.net/vb/images/buttons/quote.gif

الف شكر على مجهودك يااخى العزيز

بارك الله فيك

تسلم ايدك ياغالي

بارك الله فيك

بــــــــــ الله فيك ـــــــــارك