منتديات عمالقة السات - نقول كمان بخصوص النيل سات وجيرانه

نقول كمان
النيل سات مأجر مداره من شركة يوتلسات الفرنسية صاحبة المدار من 7 إلى 8 غربا ده معناه ايه يعنى النيل سات قمر وسط اقمار مجاورة درجته 7.3 غربا وطبعا احنا بنستقبل من 8 إلى 7 واحنا بنضبط النيل سات بنستقبل الاقمار المجاورة بس بنسهل على نفسنا ونقول على كله نيل سات بس الحقيقة النيل سات لا يملك سلطة على يوتلسات وقنواته زى قنوات الهلس وتحت بير السلم والشيعة النيل سات خالى من القنوات بالنوعية دى ولزم تفهم ان اسهل حاجة انك تاجر تردد أو مجموعة قنوات على يوتلسات الفرنسى وبسعر اقل بكتير من النيل سات اللى لو حبيت تتعاقد معاه على قناة تقعد سنه مستنى فالناس دى بتروح ليوتلسات بإجراءات سهلة وفلوس اقل ومش كده وبس وكمان بينصبوا على الجماعة فى فرنسا وده سبب انك كل شوية بتلقى القنوات اسمائها اتغيرت مع انها نفس المحتوى والتردد كمان طبعا أصحاب القنوات بيبقى عليهم ديون يقوموا بالنصب على يوتلسات الفرنسى وميدفعوش ويجيبوا حد تباعهم يتعاقد من جديد ويغيروا اسم الباقة أو القناة وخلصت وطبعا الجماعة فى فرنسا خواجات وبياكلوا المقلب كل مرة اتخيل لو قناة نصبت على إدارة النيل سات هيتعلق ده اللى عليه قضية مياه بياخدوه ولا يكون قا ت ل قتي ل المراد إثباته أن النيل سات برئ من القنوات الزبالة اللى بتبث على يوتلسات وبنستقبلهم مع النيل سات لقرب المسافة فى المدار وان يوتلسات الفرنسى له كل السلطة على النيل سات وتقدر ترفع قضية أمام القضاء الفرنسي وتوقف اى قناة لأى سبب من الأسباب والدليل أن اليهود رفعوا قضية وقدروا يوقفوا قناة الرحمة زمان والحكومة فى مصر لم تستطيع ايقاف قنوات الشرق ومكملين ووطن اللى بيبثوا على يوتلسات تحياتى