السلام عليكم ورحمة الله وبركاته
الحمد لله الذي رزقني نعمة اللسان لكي أتحدث به وأعبر عن وجهة نظري في كل الأمور، والحمد لله الذي رزقني نعمة العقل لأفكر به وأستوعب كل ما حولي من موضوعات مختلفة، وأفكر في حلًا لها، والذي سوف يمكني من التعبير عن هذا الموضوع الشيق الذي تمنيت كثيرًا أن أتحدث به.
حل مشكلة ميل الحله للطبق المتحرك
٥.النهارده حنتكلم عن مشكله مهمه جدا بتظهر في الاطباق اللي البولار بتاعها مفيش فيه مسمار رجلاش للتحكم في ميل حله الطبق زي البريفكس والبولارات المشابهه ليه والمشكله دي مشهوره بأسم مشكله زاويه الديكلينيشن. في الحقيقه الشرح النظري والرياضي لسبب المشكله دي ممل وصعب وميهمناش من الناحيه العمليه اننا نعرف تفاصيله لكن عشان ندي فكره بسيطه جدا عنه هي بتكون مشكله في تصنيع بعض الاطباق بينتج عنها ان الطبق بيخرج عن مواجهه قوس الاقمار في جزء معين من المدار اثناء حركته وده بيكون بسبب ان التصنيع تم طبقا لمواصفات احداثيات خط عرض مختلف عن احداثيات خط عرض المكان اللي بيركب فيه الطبق.
طيب ايه اعراض او علامات ان عندي مشكله في زاويه الديكلينيشن؟نلاقي ان بعد زبط الطبق اقمار الوسط اشارتها ممتازه واقمار احد الاطراف وليكن الغرب مثلا اشارته ممتازه ولكن اقمار اقصي الشرق من بعد الايراني مثلا اشارتها ساقطه ومش بتظبط معانا بأي طريقه من طرق الظبط المعروفه يعني لا لف البولار سنه شرق او غرب نافع ولا ظبط من مسمار الميزان نافع وكل ما تظبط الطرف يبوظ الوسط وكل ما تظبط الوسط يبوظ الطرف. انما الملاحظة اللي بتأكد لك انك محتاج تتدخل في تعديل مواصفات الطبق هي انك لما تبقي واقف علي اقمار اقصي الطرف وتزق بايدك الطبق من حرفه اليمين او الشمال(مش من حرفه العلوي ولا السفلي) تلاقي الاشاره بتزيد جدا هنا لو المشكله في اقمار الشرق (وده الغالب)بنحتاج نفك ال ٣ مسامير ال ١٤ مم اللي موجوده في احد جوانب حرف اليو واللي مثبتاه وفي المثلث اللي راكب عليه الدراعات اللي شايله الطبق ونحط وردتين او اكتر بين اليو والمثلث لحد منلاقي الاشاره زبطت وحترجع على قمر منتصف القوس تظبطه من مسمار الميزان وترجع تشيك على الشرق وتضيف ورد ان احتجت وهكذا حتي الظبط الدقيق للمدار.
مش محتاج اقول ان لو العيب في اقمار الغرب يبقي حنعمل نفس الاسلوب بس في الجنب الاخر من حرف اليو واللي مربوط في المثلث بمسمارين فقط . دمتم بخير وصحة وسلامة والسلام عليكم ورحمة اللة وبركاته.
