[م.محمدالشحات]

**********


يعتبر نظام الدش المركزي واحد من اهم انظمة التيار الخفيف المستخدمة في المشاريع الكبيرة



فكرته باختصار اننا لو عندنا مبنى مكون من 50 شقة فبالتالي بنحتاج 50 طبق ( دش ) عشان كل شقة فبدل ما نجيبهم ممكن نستبدلهم بطبق واحد كبير ونوصل لكل شقة منهم وصلة وبالتالي هنكون وفرنا مساحة كبيرة وفلوس
مكوناته
1- Dishes , LNB and Antenna











بنستخدمهم لتوصيل مجموعة من التلفزيونات مع بعضها باستخدام طبق واحد مركزي
الدش بيستخدم لاستقبال الترددات الفضائية والاريال بيستخدم لاستقبال الترددات الارضية


وعشان نفرق بين استخدام الطبق والاريال فمحتاجين نعرف انواع الترددات
1- تردد القنوات الارضية ( (RF Frequency
وده بينقسم لنوعين
أ- VHF ( very High frequency )
بيتراوح بين 47الى 300 ميجاهرتز وبيشمل القنوات الارضية زي ( القنوات المحلية )
ب- UHF ( Ultra High frequency )
بيتراوح بين 300 الى 862 ميجا هرتز وبيشمل القنوات المتخصصة زي (قنوات النيل – تايم سبورت )
والنوع ده بيتم استقباله عن طريق وجود الاريال (Antenna) اريال منفصل لكل من VHF و UHF
2-تردد قنوات الدش IF (intermediate Frequency )
بيتراوح بين 862 ميجاهرتز و2400 ميجا هرتز وبيشمل كل قنوات الدش والنوع ده من الترددات بيتم استقباله عن طريق وجود الطبق (dish) و العدسة (LNB)
وهنا عندنا شوية ملاحظات مهمة
1- ينفع نربط الاريال ال VHF و ال UHF مع بعض عن طريق حاجة اسمها Antenna Booster وده وظيفته اننا نطلع بكابل واحد ندخله على ال Amplifier ( موجود شكله في الصور )









2- كل قمر له طبق واحد وبالتالي لو عايزين نوصل قمرين هنحتاج طبقين وكمان 2 LNB
3- كل LNB في نظام الدش المركزي له 4 مخارج وهم كالاتي 1-Horizontal High & Low 2- Vertical High & Low
2- Amplifiers



ودي بنستخدمها لتقوية الاشارة الخارجة من الدش او الانتينا في حالة لو كانت الاشارة اقل من المطلوب
الاشارة دي بتتقاس بوحدة اسمها الديسيبل ورينج الاشارة المقبول بين 55 الى 88 ديسيبل ( موجود شكله في الصور ) في منه انواع كتير والاشهر ال 9x9 و ال 13x13 وع سبيل المثال ال 9x9 ال9 دي عبارة عن 4 ترددات لكل قمر وهم Horizontal High & Low - Vertical High & Lowوكده معانا قمرين وبالتالي 8 مخارج والمخرج ال9 بيكون للارضي ( الاريال ) بالمختصر ال 9x9 بيستخدم في حالة وجود قمرين وال 13x13 في حالة 3 اقمار
3- Switch( Splitter – Distributor )



وظيفته يستقبل الاشارات اللي جاية من الAmplifier ويوزعها على الشقق وبالتالي احنا بنعتبره زي ال Splitter ومن انواعه النوع ال 9x8رقم 9 ده بيرمز لعدد الاوتبوتس اللي جاي من الAmplifier وال8 ده بيرمز لعدد المخارج اللي بيتم توزيعها للتلفزيون و في ملحوظة مهمة جدا هنا اننا بعد كل 2 او 3 Switch بنحط Amplifierلتقوية الاشارة اللي بتضعف نتيجة مرورها في الكابلات
3- Cables



عندنا نوعين من الكابلات اللي بنستخدمهم في النظام ده
الاول : RG -11
وده بنستخدمه عشان نوصل بين السويتشات وبعضها البعض
التاني : RG-6



وده بنستخدمه عشان نوصل ونربط بين مخارج التلفزيون والسويتشات وده بيكون Coaxial Cable
4- TV outlets



وده يعتبر مخرج التلفزيون اللي بيتركب بالقرب منه





ارجو ان اكون وفقت فى الشرح



منقول عن المهندس
مؤمن احمد