لما بتنزل تحت الميه وتقعد فتره طويله .. بتلاقى صوابع ايدك ورجلك كرمشت .. جسمك تحس انه بيبوش صح .. ؟!! سيدنا يونس وهو فى بطن الحوت فضل 3 اياام جوا بطنه والحوت طلعه من بقه ورماه ع الشط .. وكان جسم سيدنا يونس بايش تماماً زى صوابع رجلك وايدك وانت بتاخد دوش واكتر !!
شوف كمية الحنان اللي فى الآيه . ربنا بيقول " وانبتنا عليه شجرة من يقطين " تخيل كده الشجره وهى بتطلع جمب سيدنا يونس عشان تضلل عليه لأن الشمس لو لمسته وهو بالشكل دا هياخد ضربة شمس ويموت !!
ربنا قال فى كتابه الكريم و انبتنا .. مش وكانت بجواره شجره .. لا دى شجره طلعتله مخصوص !! واليقطين ده يعني شجرة ورقها تخين .. الورقة حجمها حجم ودن الفيل .
بحيث تكون ضله تماماً وتحميه من شعاع الشمس لحد ما يفوق وجسمه ينشف وترجع قوته من جديد ..
ربنا طيب .. هيضل عليك ويحميك .. مهما تبوشك الصعوبات .. ربنا هيطلعلك الخير من وسط الآزمات .. حتى لو انت مش شايف الخير ده زى سيدنا يونس مكنش شايف الشجره !! صدقنى هتلاقى الحلول طلعتلك فجأه من حيث لا تدرى زى شجره يونس .
اسند على ربنا واستقوى بيه لانه قوى وهيقويك وهيخليك تستعيد طاقتك وقوتك
و اوعى تقلق ربنا مش هيخزلك وهيوفقك ويحققلك حلمك
صلي علي الحبيب ????