اخيرا وصلت لحل لتوقف الفورايفر على ميديا ستار 2525 كل الخطوات اللى ذكرها الإخوة جابت نتيجة بعد عدة محاولات بس لما بفصل الريسيفر السيرفر بيختفى قولت عيب كده ياسنيور حتة مشكلة هنستنى حلول من الناس بدل لها حل وافتكرت حوارات كانت مع الفورايفر والفانكام بسبب الايبهات فصلت الريسيفر من النت وحذفت السيرفر وعملت ضبط مصنع وحملت ملف قنوات وفصلت الكهربا عن الريسيفر ودخلت على الراوتر وغيرت DNS زى الصورة وفصلت الراوتر من الكهربا لمدة دقيقة ووصلته تانى بالكهربا وصبرت دقيقتين لحد النت ما اشتغل روحت موصل كهرب للريسيفر ووصلت النت ودخلت اتاكدت ان الريسيفر اخد DNS الجديدة ودخلت على السيرفر وفعلته واتصل فى ثوانى ورجع الفورايفر من جديد علشان اتاكد ان الحل جذرى حذفت السيرفر كذا مرة وفصلت الريسيفر من الكهربا ومن النت علشان اشوف السيرفر هيختفى تانى ولا ايه ظروفه اشتغل ثابت والحمد لله جوسات بيعمل مشاكل مع اى جهاز بياخد ايبى مصرى بسبب شكاوى معدومى الضمير ادى الجهاز اى ايبى لدولة تانى زى الاردن او حتى اثيوبيا