الاجهزة الصنية معالج على متخافش منها خالص ادى الجهاز على وضع user 64 ومتقالش خالص هيكون معاك ٣٠ ملف لو جهازك مقبلش منهم قدامك حل من الاتنين يا اما تسحب السوفت وترفعو على المنتدى وهيتم دمج احدث ملف علية او انى حضرتك تكون عارف نوع الاندكس الخاص بالسوفت وتدمج علية من قبلك اما السوفت ٩٠ %من الاجهزة متوفرة بنفسم اسم الجهاز بس خلى بالك ساعات بتكون نفس الاسم بس الفلاشة حجمها مختلف تاخد بالك من حجم الفلاشة وبكدة خلصنا الاجهزة الصينى
هنخش على الاسترا العادى
الاسترا دة جهاز جميل جدا هتيجى تديلو ملف مش بتاعو هيقولك خطا فى البوت او الفرجن جهاز الاسترا فية منة اجهزة قديمة ودى هتعرفها لوحدك لما تتعمق فى الاجهزة اما الموديلات الحديثة فدى معروف انواعها
سوفت الاسترا علشان نديلو سوفت هنركز على حاجتين الاولى مودديل الجهاز او اسمة التانى هارد الجهاز ودى معلومة هتفيدك فى السوفت
اجهزة عبدالعال سواء قديمة او حديثة (( الكوماكس ))
الاجهزة دى حلوة جدا قديمة بتاخد ملف كل نوع باسمة واللودر الخاص بية ودايما الجهاز بياخد على وضع استند باى هتخش القسم وتدور على الاسم وتنزل اللودر الخاص بية والسوفت كذالك الامر
الاجهزة الاتش دى ودى لازم ناخد بالنا من موديل الجهاز والجهاز على سوفت كام لتفادى الوقوع فى الخطاء
اجهزة الترومان وحش السوق لفترة كبيرة احتلت معظم البيوت اجهزة يوجد منها نوعين نوع بrf و نوع بدون rf
هنعوز معلومة rf دى لما نكون عاوزين ندى لجهاز سوفت لاكن الملف مبيفرقش معاة بrf او بدون
ان شاء الله هكمل معاكم انواع اخرى فى بوست جديد
المعلومة هتبقا صدقة جارية لما تعلمها لغيرك لاتبخل ولو بكلمة علم يزيدك الله علما