[Ahmedeltayeb]

المشاركة الأصلية كتبت بواسطة حمدى عبدالعزيز

ملف قنوات انجليزى اسلامى للريسيفر المتعب هليوتيك 9900 الازرق
متعب ليه غالبا بياخد ملف القنوات والشاشة تسود وما يشتغلش
ومرة تبقى الصورة غامقة جدا وتختفى القوايم بتاعته والريموت يشتغل بمزاجه
طيب الحل ايه
الحل نعمله ضبط مصنع
ازاى والشاشة سودة ...او القوايم مش باينة ..والريموت مش بيشتغل صح
ركز معايا شوية وهنعمل له ضبط مصنع عميانى ويرجع للحياه تانى
الريموت بيبقى شغال بس بيتأخر شوية فى الاستجابة للامر
يعنى ندوس الزرار ونصبر اربع ثوانى وندوس اللى بعده
ده لو حصل وما نزلش ملف القنوات كويس
هتفصل الريسيفر من الكهربا وتشغله تانى وتمسك الريموت
الشغل كله فى الدايرة فى المنتصف ,,سهم فوق وسهم تحت وسهم يمين وسهم شمال والاوكى ...تمام
1- اضغط منيو ..القائمة
2- سهم شمال ....زر خفض الصوت
3- سهم فوق
4- اوكى
5- سهم تحت
6- سهم يمين
7- سهم فوق
8- اوكى
9- سهم فوق
10- اوكى
11- سهم شمال
12- اوكى
13- اوكى مرة اخيرة وانتظر خمس ثوانى يعود الجهاز للحياة
جربتها خمس مرات قبل ما اكتبها لانى لقيت ناس كتير بترد على صاحب الموضوع بالدعاء عليه او شتمه
العيب يا اخوانى فى نوعية الريسيفر
انا سحبت ملف من ريسيفر وصاحبه جابه لى بعد اسبوع يقول العيال مسحو القنوات قلت له ولا يهمك القنوات عندى نزلتها له وقف شاشة سودا من الملف اللى ساحبه منه
ارجو اكون وفقت فى ذلك واسف للاطالة لكن لتطمئن قلوبكم وتدعولى .

لاإله إلا الله