[السنيورصلاح]

اعطال الاشارة والتشويش والحلول
الريسيفر قاطع اشارة نهائى او قاطع قطبية عمودى اوافقى او قاطع اشارة بعض الترددات او الاشارة بتروح وتيجى او بتشتغل بالليل وتفصل بالنهار او العكس وطبعا عملت ضبط مصنع واتاكدت من اعددات الهوائى انها صحيحة
1- اول حاجة بسم الله الرحمن الرحيم تاخد الريسيفر تجربه على طبق تانى شغال لحصر العطل طيب الريسيفر مشتغلشى كده خلصانه الريسيفر عايز صيانه طيب الريسيفر اشتغل افقى وعمودى تمام تاخدها واحده واحدة
2- تركب سلك الدش عندك فى الريسيفر وتدخل على التركيب وتشوف موجود وتشوف اشارة السلك واصلة ولا لا لو مش واصله عيب سلك ممكن مقطوع او قديم وعايز تغيير طيب اشارة السلك موجوده شوفت النقطة اللى بعدها
3 - تركب سلك الدش اللى نازل على الريسيفر مباشر فى العدسة مباشر من غير دايزك لو مركبه وتتاكد ان الطبق مضبوط الريسيفر اشتغل يبقى مدخل الدايزك ضرب تغير المدخل اللى مركب فيه القمر فى الدايزك وليكن نايل سات 1 نخليه 4 على الدايزك لو مشتغلشى يبقى الدايزك اتحرق تغيره والافضل تعمل وصلات جديدة بين الدايزك والعدسات وخد بالك فيه ترددات كتير بتعتمد على جودة السلك ولو طول السلك عندك 50 لزم سلك خامة نضيفه طيب الدايزك سليم شوف النقطة اللى بعده
4 - لو مركب عدسة اتنين مخرج جرب عدسة تانى تكون شغاله لو الريسيفر اشتغل تغير العدسة وش مشتغلشى شوف النقطة اللى بعدها وتاخد بالك ممكن العدسة تكون قاعة استقطاب وبتحصل كتير تلقيها قاطعة افقى او عمودى طيب تعرفها ازاى تعكسها عن وضعها الطبيعى تخليها زى عدسة الياه سات ولو المشكلة على الياه سات تخليها زى ميل عدسة النيل سات كده انت بتخدع الريسيفر لما تعكسها هتشغل الافقى القاطع مثلا ويقف العمودى الشغال والعكس
5- طيب ترددات مفيش اشارة زى اليفن اليفن على الهوتبيرد فى الغالب بيبقى تشويش بتعمل حاجز فى اتجاه شبكة المحول اللى عامله المشكلة

+2 الاشارة بتشتغل بالليل او بالنهار فقط ده فى ده من تاثير الحراة والرطوبة تكبر الطبق هتحل المشكلة وممن عيب عدسة او سلك وتبدء بعدسة كويسه
+3 طيب الطبق الاشارة ضعيفه وميل العدسة اعلى او اقل من الوضع الطبيعى كده وش الطبق ملووح تفكه وتستعدله على ارضية سيراميك وتخلى الحواف كلها لمسه الارض من غير فراغ وده للاطباق الصغيرة عادى مش هتعرف تعمل الكلام ده اقلب الطبق هتحل المشكلة
.+4-لو ممشى سلك فى الحيطة لزم يكون جودة عاليه جدا والا هيضيع معاك اغلب الاشارة
6- لو الريسيفر منى صغير تغير ادابتور الكهربا بواحد 2 امبير وتجرب
7 - تغير عدسة الريموت للريسيفرات الصغيرة فى حال قطع افقى
8- لو عملت كل ده والريسيفر مشتغلشى يبقى ايسى اشارة للاسف سواء للريسيفرات الصغيرة او الكبيرة