السلام عليكم ورحمة الله وبركاته
كل عام وانتم بخير
عيد فطر مبارك عليكم وعلى الامه الاسلاميه
النهاردة هنتكلم عن معلومات عن شبكة الدش المركزي
موضوعنا اليوم
شرح الدش المركزي
MATV : master antenna television .
يعني اية ؟! ????
بص يا سيدى ✋ هو عبارة عن طبق دش واحد للعمارة كلها مثلا ..
بمعنى لو عندنا عمارة سكنية فيها عدد معين من الشقق وليكن 44 شقة .. فانا كدا هحتاج عالسطح 44 طبق دش ????
وكمان 44 اريل للتردادات الأرضية ???? ..
فدا مش منطقى أطلاقا ..
فكان الحل انة عن طريق شبكة مركزية .. بنركب طبق واحد لكل قمر صناعى محتاجينة فى المكان ونبدأ نوزع منة على الشقق عن طريق سويتشات ..
و هنا الطبق بيكون ثابت مينفعش يكون طبق متحرك ..
طبعا دا كدا بيحافظ على الشكل الجمالى للسطح او ال roof ..
وكمان مفترض أن بنستخدم أطباق استقبال مخصصة للنظام دا بكون مقاومة للعوامل الجوية وكذلك استخدام سويتشات توزيع ومكبرات تضمن أستمرار الخدمة دون توقف ..
** بعد كدا هنتكلم عن ال " components " .. الأجهزة اللى هنستخدمها فى النظام ..
1 ) - طبق الاستقبال .
2) - LNB Quattro ..
دى الرأس او القطعة اللى بيتوصل فيها الكابلات .. هى أربعة مخرج .. بس بتكون مختلفة عن القطعة العادية ..
3) - launch amplifier ..
دا بيكون أول amplifier فى الشبكة ووظيفتة بيظبط رنج الأشارة الداخلة للأجهزة ..
4 ) - matrix switch ..
ودا نوعين
* Cascaded .. متتالى يعنى فية in و out
بينقل من دور لدور مثلا .. أى انة قابل للتوسعة
*Head end ..
دا أخر سويتش فى الشبكة .. ومافيش فية نقل للى بعدة ..
.. وال switch عامة هو المسؤل عن توزيع النقط للشقق ..
5) - amplifier ..
ودا بيقوى الأشارة اللى بتتفقد عن طريق السويتشات والكابلات ..
و غالبا بيكون بعد كل سويتشين أو تلاتة ..
6) - boaster ..
دا بيقوم بدمج أشارة الأريال ال uhf و vhf ( الترددات الأرضية ) علشان يدخلوا على السويتش كابل واحد فقط
ودلوقتي.. هنتكلم بشئ من التفاصيل ..
بس خلينا نقول ان السيستم فى المجمل بيكون مقسم لجزئين ..
* أول حاجة ..
1) RF : Radio Frequency .
ودا الخاص بالتليفزيون وهما عبارة عن 69 قناة ..
بيكونوا أريلين منفصلين .. ????
** UHF : Ultra High Frequency .
الأريل دا خاص بقنوات النيل المتخصصة اللى هى نايل دراما و نايل سبورت و القنوات دى ..
** VHF : Very High Frequency .
الأريل دا خاص بالترددات الأرضية اللى هى الأولى والتانية وهكذا .. زى مأحنا عارفين ..
والأريلين دول بيتم تجميعهم على جهاز يسمى booster يقوم بدمج الاشارتين معا علشان يخرجوا فى كابل واحد نوصلة فى السيستم معانا ..
دا كدا ال Radio Frequency .. تمام ؟!
* تانى حاجة ..
2) IF : Intermediate Frequency .
ودا الخاص بقنوات الدش .. حسب القمر اللى أحنا محتاجينة .. وبرضة ممكن نقول أننا نقدر نستخدم لحد أربع اقمار مختلفة فى النظام ..
و دا بالنسبة لتركيبة بنحتاج طبق استقبال ( دش ) ..
والقطعة ال LNB بس بتكون مختلفة عن العادية .. بتكون LNB Quattro يعنى رباعية .. بتكون مقسمة الى
Herizontal high - herizontal low - vertical high - vertical low ..
يعنى معنى ذلك أن الطبق خارج منة اربع كابلات .. تمام ؟!
خد بالك ان ممكن السيستم يشتغل بال IF لوحدة .. او ال RF لوحدة .. مش شرط يكون الأتنين ..
..
كدا عرفنا ان عندنا كابل خارج من ال booster بتاع الترددات الارضية ..
وأربع كابلات خارجين من ال LNB Quattro بتوع الدش ...
* النقطة اللى بعد كدا بناخد الخمس كابلات دول ندخلهم على أمبليفير .. اسمة Lunch amplifier ..
ودا هدفة ظبط قوة الأشارة اللى جاية من الأجهزة ..
وبتكون رنجها من 55db : 80db (ديسبيل) ..
فهو بيظبطها سواء كانت أعلى او أقل ..
* وبعد كدا بندخل نفس الكابلات دى بعد اما خرجت من الأمبليفير على السويتش اسمة بيكون multi switch ..
ودا اللى بنوزع منة عالشقق .. او عالنقط اللى عندنا وبيكون بسعات مختلفة طبعا على حسب احتياج الشقق والنقط عندنا ..
وهكذا .. والسويتش بيكون ????
- cascaded أى متوالى .. يعنى فية أن و أوت بيخرج على اللى بعدة ..
- head end أو un cascad دا لو السيستم صغير وهيركب فية سويتش واحد مثلا او دا بيكون اخر واحد فى الشبكة علشان مبيخرجش حاجة للى بعدة ..
* فى لسة حاجة عندنا وهى ال distribution amplifier .. ودا برضة مسؤل عن قوة الاشارة .. بيعوض الفقد من الكابلات والسويتشات .. وبيكون بعد كل سويتشين أو تلاتة حسب الفقد ..
أسف للاطالة