مشكلة في استقبال بعض القنوات و جودة الصورة سيناتور 888

[mecaing]

السلام عليكم و رحمة الله و بركاته
انا عندي ريسيفر سيناتور 888 معالج 1506tv
انا عندي مشكلتين المفروض ان جودة الصورة full hd 1080p
بس لما بفتح اي قناة HD بلاقي الصورة مبكسلة جدا شكيت في التيليفزيون جبت فيلم كرتون 1080 بلو راي و الصورة زي الفل مفيش مشاكل و برده فيه قنوات رغم ان الاشارة 95 في المئة الاقي الجودة صفر زي ماجد و ناشونال جيوجرافيك
و جربت اشغل فيلم كرتون بلو راي ال 720 بيشتغل علي الريسيفر بس ال 1080 مش بيشتغل و بيديني انه مش مدعوم

فكدة الريسيفر هو الي فيه مشكلة و هحتاج ريسيفر افضل ولا دي حاجة في الطبق عندي بالنسبة لكل المشاكل دي ؟
اخيرا انا جربت ملفات فلاش كثير و جودة الصورة مش بتتحسن برده

[خالد صلاح]

الاشاره عيب ضبط في الطبق
ثانيا جربت تغير الجوده من اعدادات الرسيفر

[مح مصطفى مد]

ياغالى
في قنوات جودة الصورة عالية مثل الكاس و بن سبورت و الكعبة اتش دى
وفي قنوات كما يقال عنها بير سلم جودة صورتها ضعيفة و لا تقارن حتى بالقنوات العادية مثل القنوات المصرية فقلة جودتها لا يعيب الرسيفر بل العيب في المصدر نفسه
اما عن عدم وجود قنوات فاله عدة اسباب اهما الطبق محتاج تظبيط شواية او السلك فيه بعض المشاكل او ضعف في جهود الكهربا اللى دخلة الرسيفر

[مركز مريم]

كما اشار استاذ خالد واستاذ محمد مصطفي
ياريت تكتب اسماء القنوات ال بتكون تقنيه hd وبتبكســل

[mecaing]

شكرا جدا علي الرد السريع
القنوات بتاعت القرأن الاتش دي كلها بتجيب اشارة ضعيفة عندي بس عندي مثلا القنوات الوثائقية الي بتشتغل اتش دي بتقطع حتي لو الصورة كويسة

الي انا فهمته ان الطبق حاجة قديمة بقالها 12 سنة و قطره 85 و الال ان بي راكب متغيرش من 12 سنة هل ممكن المشكلة تبقي في قطر الطبق و نوع الال ان بي ؟

[مح مصطفى مد]

ممكن الراس تسبب تقطيع فى الاشارة وخاصة الراس المشتركة
بس 12 سنه فترة كبيرة ممكن يكون الطبق محتاج تظبيط

[mecaing]

تمام شكرا جدا لحضرتك انا هشوف برده نوع العدسة لو مش بتدعم الاتش دي اصلا ممكن يبقي هو دا سبب البكسلة و اشوف التظبيطة بتاعت الطبق