المختصر المفيد في ظبط السي باند من الألف إلى الياء

[علاءسالم]

المختصر المفيد في ظبط السي باند من الألف إلى الياء

مبدئيا السي باند ابوه وامه الطبق الأميركي
وأخوه واخته اي طبق 240 عميق عموما
وابن عمه وخالته الطبق 212 المسطح وده أقلهم في الإشارة ويحتاج مجهود لمساواته بالعميق
وقريبهم من بعيد 180 سواء مسطح او عميق
يعني لما تلاقيني بفضل الله تعالى طبقي محلي 212 مسطح وعدسه مخرجين اضعف بدرجه من المخرج الواحد و inbut 3.7 يعني اضعف كمان في بعض الترددات من inbut 3.4 وكنت بفضل من الله الوحيد اللي جاب أوكا افريقيا 86 علي التردد القديم علي طبق محلي مسطح في تغطية القاهرة علي عدسه مجهولة المصدر
وحاليا التقط جميع الفيدات ع قمر 10 بعدسه بيوكسس 2 مخرج زيي زي اي طبق عميق أو قطر أكبر من طبقي يبقي اي معلومه أقولهالك فهي نتاج تجارب عديده لما السطح أشتكي مني
وف النهاية رأيي صواب يحتمل الخطأ ورأي غيري خطأ يحتمل الصواب
بادئ ذي بدء لابد من ظبط طبقك على مدار الكيو باند كويس جدا
أولا ظبط العدسه بدون فبرة
قمر الباكستاني 38 شرق اسفل التركي 42 بتكتين
الوصول لأعلي إشارة الترددات الآتيه
PTV SPORT
4002 V 13335
M-SPORT TEST
3793 V 4000
FAST SPORTS HD
4185 V 1650
اتأكد إزاي إن مداري بدون فبرة مظبوط تمام هيظهر معاك الآتي
قمر 20 شرق موازي 26 بدر كيو باند
ERI TV
3883 H 27500
قمر 10 شرق موازي يوتل 16 كيو باند
RWANDA TV
3870 H 3333
قمر 3 شرق أوكا افريقيا بين 7 و 9 كيو باند
RTB
3729 V 16835
قمر 8 غرب اسفل ثور بتكتين
SCOPUS-NET-TECH
3889 V 2982
TVE INT AFRICA
3896 V 3500
في النهاية طبقك مظبوط علي الشعرة ازاي تروح قمر 46 موازي التركماني 51 كيو باند هتشوف التردد ده
CLOUDS TV
4133 V 1843
وهو لوحده كفيل إنك تبدء ظبط بية لو طبقك 240 وتختصر كل اللي فات
و هتشوف كمان ترددين داتا برضة باشارة عالية
4160 V 16325
4180 V 16325
طب طبقي مظبوط ع شعرة الشعره وانت واقف ع نفس القمر اكتب التردد ده
K24
4118 V 3050
طيب مظهرش معاك يبقي محتاج سنة ميل أو سنة بعد بؤري وحاول رفعه قدر المستطاع وربط العدسه وكهرب طبقك وابدء ظبط الفبرة
الفبرة مقاساتها ونوعها أختلف فيها العلماء
سيراميك سمك 5 لـ 8 ميللي
زجاج أزرق سمك 3 ميللي ولف شيركرتون عليها للوصل إلي 4 او 5 ميللي
بلاستيك من مواسير المياة وقصها وفردها بشوار
خشب ابلكاش
وكلنا جايبين نفس المدار بنفس الإشارات
معني الكلام ده إن
عرض الفبرة خاضع لمقاس فتحة اي عدسه معاك 5.8 او 6 او 6.2 سم
طول الفبرة متغير معاك حسب طول زور العدسه معاك من 3 إلي 14 سم
تخانة الفبرة من 3 ميللي الي 9 ميللي حسب بعد المسافة بين الإبرتين
بروز الفبرة من العدسه متغير حسب طول زور العدسه
بمعني التعميم ف اي جزء مما سبق (طول-عرض-تخانه-بروز) هو نتاج تجربه شخصية تصلح معاك في حاله معاك نفس العدسه والطبق والتغطية طب عدستك مختلقة يبقي تجربة غيرك مش هتجيب نفس النتائج
لظبط بروز الفبرة يوجد تردد حساس جدا ويفضل وانت بتظبط استخدام ريسيفر علي خاصية dB نظرا ان اقل رقم زيادة ترفعه يفرق معاك من نص درجه إلي درجه كامله ليس شرط خروج مقدار معين أو دخولها ف العدسه بأي مقدار التجربه هي الفيصل
يراعي الدقه والحساسية وانت بتلف الفبرة ميللي واحد يرفع معاك درجه ويخفض او يخفي تماما التردد لف الفبرة برفق وتكون أيدك حساسة جدا جدا جدا
قمر 10 شرق موازي يوتل سات 16 كيو باند
الوصول لأعلي إشارة بالفبرة
K24
3898 H 20150
قمر 5 غرب بين الهوتبيرد و يوتل 10 كيو باند تردد أيضا حساس نسبيا ولكنه ينفع تظبط علية الفبرة أعلي اشارة
BBC AFRICA TV FEED
4000 H 18200
عدسات السي باند انت وحظك
بيوكسس / ستار جولد / طوكيو سات / سانتك ممتازين ومش شرط ممكن عدسه مجهولة الهوية تتفوق عليهم والعكس صحيح
وكذلك ليس شرط 3.4 افضل من 3.7 أو العكس
وليس كل العدسات 17k افضل من 500k او العكس حسب التشويش عندك من أبراج المحمول
باختصار شديد كل شئ في النظام العجيب السي باند خاضع للتجربة ولتجربتك الشخصية

[۩◄عبد العزيز شلبى►۩]

[م تامرالقناوى ابواحمد]

[حسام عيد9]

احسنت يابشمهندس

[adelkamal1973]

جزاك الله خيرا

[عبدالناصر محمد]

تسلم ايديك مجهود رائع