علاج ودهان الطبق المصدى

[السنيورصلاح]

الطبق عندك مصدى وحالته بعافية هتعمل ايه هتجيب سنفرة خشابى من اى محل بويات ومعاها زجاجة اسبيرى مطفى لزم يكون مطفى وهقولك ليه المهم هنجيب جردل ميه من الحنفية ونجيب كيس ملح طعام هنسفر الطبق بهدوء لحد ما ننضفه من الصدا هنجيب الميه والملح نخلطهم على بعض وتغسل الطبق بيهم واصبر لما ينشف كويس ليه هتغسل الطبق بميه بملح علشان الدهان يثبت معانا المهم جينا للاسبيرى المطفى ليه مطفى علشان الألوان الزاهية بتعكس الإشارة وتشتتها عن بؤرة الطبق المهم هترش الطبق كويس وش واصبر لما ينشف وترشه وش تأتى كده خلاص الطبق استقباله هيبقى افضل طبعا الطريقة الخفيفة دى للاطباق 100 و 85 و 70 الاطباق الصغيرة الاطباق الكبيرة الموضوع عايز شغل أعلى من كده بس الخطوات تقريبا واحدة بس الطبق الكبير ممكن تدعمه بكمبروسر أو دهان يدورى مينفعشى الاسبيريه معاه ولو عايز نصيحة قبل ما تعمل كل ده فك حلة الطبق بتاعك الصغير واستعدله مليار فى الميه مفتول طيب ياعم الحاج هيا الأطباق الصغيرة بتتفتل ايوه طبعا بتحط الحله على بلاط السيراميك وتدوس على الأطراف تخلى مفيش فراغ نهائي بين أطراف الحلة والأرض ولو فيه اى انعواج فى جسم الحلة استعدلها بحتة خشبة أو شكوش خشب لو متوفر وبلاش الحديد

[ابو اسماء للصيانه]

ممتاز الله ينور عليك

[مؤمن الغزالى]

جمييل تسلم

[ابوافنان]

دائما مميــــز حبيبى صلاح