الاطباق الامريكيه والأوروبية والتايوانيه والمحليه العملاقه .

[م.محمدالشحات]

أقدم لكم


الاطباق الامريكيه والأوروبية والتايوانيه والمحليه العملاقه .


موضوعنا اليوم عن الاطباق الامريكيه والأوروبية والتايوانيه والمحليه العملاقه .
من منا لا يتمني اقتناء طبق من اطباق القمه امريكي او تايواني ؟

الحقيقه أغلبنا يتمني لأنها مثل قطعه الدهب وفارقه جدا في الاستقبال لكن ما يقف عائق أمامنا هو اسعارها الغاليه جدا لانه تم وقف تصنيعها.

انا شخصيا تواصلت مع شركه فامافال في البرتغال بستفسر عن أحد منتجاتهم وكانت النتيجه المتوقعه تم وقف هذا النوع.

تعالوا نتكلم ليه الاطباق دي غاليه كده ؟
١- خامه الالمونيوم المستخدمه في الصنع والتي تختلف في درجه النقاء من شركه لآخري.

٢-اسلوب الصنع سواء بالصب أو بالقطع وحتي القطع فيه منه قطع بالليزر أو الهيدرو(المياه) وده هنتكلم عليه في مره قادمه بأذن الله

٣-قطر الطبق وده بئه عامل مؤثر بدرجه عظيمه جدا وأنك تجيب لوح المونيوم كامل بدون لحام تصنع منه طبق مثلا زي ال DH يكون صافيه ٢٤٠ ده في حد ذاته معضله كبيره .

لذلك بعض الشركات لجأت لأسلوب الشرائح الالمونيوم للتغلب علي مشكله الأقطار الكبيره .
احنا هنركز الليله علي اطباق ال ٢٤٠ فقط العامله في مصر

١-الوحش البرتغالي الفامافال
طبق برتغالي الصنع بقطر صافي ٢٣٠ سم ومعامل كسب 48 dB
وثمنه من ١٠ الي ١٣ الف ج مرفق صوره

٢-الاندرسون بنوعيه الاصدار الفرنسي المسطح والآخر الأمريكي العميق وده في منه أقطار صافيها
٢٣٢ و ٢٣٤ سم
ومعامل كسبه المتوسط 47.8 dB
وده في منه الاصدار الاول ومعروف بالطوق وده الصافي بتاعه ٢٣٢ والصوره المرفقة له كان طبقي الخاص
الاصدار الثاني اصدار الشمسيه ذو ال ٦ دراعات وده صافيه أيضا ٣٣٢ وثمنه من ٦٠٠٠ الي ٨٠٠٠ ج
ومرفق أيضا صورته

٣- ال DH باقطار ٢٣٢ حتي ٢٤٠ ومعامل كسب 47-48 db بأسعار من ٥٥٠٠ حتي ٨٠٠٠ ج ومرفق صورته وهيبه أن ده طبق صنع يدوي ياحظك تقع في طبق ممتاز او طبق خرده .
٤-الباراكليبس ذو قطر صافيه ٢٢٩ سم بمعامل كسب 47 dB
وده في منه ٣ اصدارات عامله في مصر :

+البومبيه مرفق صورته
+السكينه (المصمط) طبقي الحالي في الصوره المرفقه
+الكلاسيك المخرم مرفق صورته
وكلهم لهم نفس gain ratio
ونفس الكواليتي في الاستقبال يتميز فيهم البومبيه بدهانه الغير متأثر بالعوامل الجويه وده سعره من ٣٥٠٠ الي ٤٥٠٠.

٥-التايواني الجونسا وده طبق ١٨٠ ولكن استقباله ممتاز وموجود في الكويت ثابت وفي الاردن متحرك وده تمنه ١٥٠٠ ج

٦-المحلي البريفيكس انتاج مصنع ابوالعزم وده في منه صافي ٢١٢ و ٢٢٠ و ٢٢٥ و ٢٣٠
وفي منه قطعه واحده او لحام ومعامل كسبه المتوسط 6•44 dB
واثمانه متفاوته من ١٦٠٠ الي ٢٠٠٠ ج
.
٧-ال ECC بقطر ٢٢٠ ومعامل كسب 44 dB وتمنه من ١٣٠٠ الي ١٥٠٠ ج
ملحوظه:
لم ارفق صور للاطباق المحليه لان أغلبنا عارف وحافظ شكلها .
في طبقين احب أنوه عنهم

١-الطبق البرودلين الفايبر بقطر صافي ٣١٠ ومعامل كسب 50 dB وده لا اعلم سعره ومرفق صورته .

٢-الطبق الانجليزي الرائع اسمه Andrew وده طبق وهم بقطر ٤م وده المونيوم ٤ شرائح أو ٨ شرائح وده ليس عندي معلومات عنه ولا سعره كمان لكم أن تتخيلوا شكله وقيمته وإمكانياته في الاستقبال.
حبيت امسي علي الحبايب بشويه جواهر كلنا نتمني اقتنائها .
ليلتكم جميله بأذن الله
ملحوظه:
الاطباق المصوره في البوست حقيقيه وليست صور ماخوذه من النت وانما هي صور لاطباقي وأطباق اصحابي الاعزاء .






البرتغالي الفامافال






اندرسون اصدار اول







اندرسون اصدار تاني











باراكليبس بومبيه









باراكليبس مصمط السكينه







باراكليبس كلاسيك





البرودلين






الجونسا








البرودلين




DH





DH





Andrew




تقبلو تحياتى

[aboomaher]

اطباق جيده ولاكن غير منتشرة وباهظه الثمن

[عبدالخالق فرج]

تسلم ايدك الله ينور عليك يا هندسة

[مركز مريم]

تسلم ايدك حبيبي الغالي

[الباشا وليد]

تسلم ايدك يا هندسة

[abdalla mohamed]

جزاك الله خيرا

[عمادطلعت]

الله ينور يا هندسة

[elnagoly]

مشكووررررررررررر يا ف\غاليييييييييييي

[Ebn Kafr El-She]

تسلم ايدك يا نجم السات

[aymanadel]

بارك الله فيك أخى الكريم

مشاهدة جميع مواضيع حمدى الحلوانى

[محمد ظريف]

بارك الله فيك اخي الكريم على هذا المجهود الرائع

[ahmed zahmed]

تسلم ايدك

[leeedo77]

شكرا جزيلا على المعلومات القيمه

[alimbjbr]

جزاك الله خيرا