ضبط مدار بالطريقه العلميه كما يجب ان يكون شرح الاستاذ الكبير هشام العربى

[احمد عامر]

بسم الله الرحمن الرحيم
تم نقل الشرح من الاستاذ هشام لكى يستفاد الكل
الاستاذ هشام مش بيدخل منتديات
شرح الاستاذ الكبير والمرجع العلمى عن ضبط مدار موضوع وشرح فريد من نوعه
الشرح
كما رايت ان معظم الاخوه متمكنين من ظبط الصحن المتحرك بشكل احترافى و الحمد لله
لكن يمكن عدد قليل يحتاج الى بعض الشرح المبسط عشان توصل الفكره بشكل كامل
زى ما ذكر الاخ الشايب ان ظبط زاويه ديكلينشن مهم للصحن المتحرك و بالاخص على الاطراف فى اخر الغرب و فى اخر الشرق
زاويه ديكلينشن هيا الفرق بين ميل الطبق و بين ميل البولار زى ما فى صوره 1 و صوره 2
الاخ الشايب شرح على مكانه خط طول 20 شرق و هاضيف مثل مدينه طرابلس
مدينه طرابلس خط طول 13 شرق تقريبا و خط عرض 33 شمال تقريبا
يعنى قمر نص القوس او نص المدار هوا القمر الاوربى 13 شرق على حسب خط الطول
و على حسب خط العرض ( 33 شمال ) هيبقى زاويه ميل الصحن على القمر الاوربى 13 شرق فى طرابلس 51,77 درجه يعنى تقريبا 52 درجه و طبعا فى مواقع كتير بتحسب زاويه ميل الصحن على اى قمر على حسب الموقع
زاويه ديكلنشن لمدينه طرابلس من الجدول 5,33 درجه تقريبا
زاويه ميل البولار ( او درجه رفع المحرك اليدوى ) هتبقى 57 درجه تقريبا على خط عرض 33 شمال
هنحرك الصحن بالمتور لغايه ما يكون فى الوسط تمام زى الصوره 3 و نبتدى الاول نظبط ميل البولار على 57 درجه
زى الصوره 4 ضبط ميل البولار على زاويه 60 فى جنوب القاهره ( فى الصوره الزاويه 30 لان المدرج مقلوب )
و بعدين نظبط ميل الصحن على 52 درجه فى طرابلس
لو الصحن محترم زى الامريكى ممكن الظبط من الطوق فى ضهر الطبق اما لو صحن محلى تعبان زى الصوره 5 و صوره 6 الاحسن تجيب ماسوره الومنيا اطول من الطبق و تحطها على النص و تقيس من فوق الماسوره
اخر حاجه هتوصل اللاقط بالريسيفر و تحط تردد قوى على القمر الاوربى و بعدين تهوى رباط البولار من الاستاند و تلف الصحن كلو بالبولار لغايه ما تلاقى اشاره و تبتدى تعليها لاخر درجه و بعدين ربط البولار عل الاستاند ربط متوسط
هتحرك الصحن بالمتور قمر - قمر لغايه اخر قمر عندك ممكن تلقطه فى الجمبين الغربى و الشرقى و تشوف مستوى الاشاره عل اضعف تردد
زى صوره 9 صحن اندرسون 240 على اقصى الشرق فى غريان قمر 90 شرق
و انت امام الطبق هتحرك الصحن مع السهمين الحمر مره لورا و مره لقدام باطراف صوابعك و تشوف فى تغيير فى الاشاره و الا لا و برضو فى اقصى الغرب هتعمل نفس الحاله
فى 4 احتمالات
الاول و انت امام الطبق ان الاشاره فى اقصى الغرب بتزيد لما تزق الصحن لورا و فى اقصى الشرق الاشاره بتزيد لما تشد الصحن لقدام يبقى محتاج تلف البولار و الصحن كلو على الستاند نحيه الغرب حاجه بسيط و بعدين تجرب تانى لغايه ما تظبط معاك و يبقى مفيش زياده لما تزق الصحن
لو انت بتجرب من خلف الصحن هيبقى العكس تلف الصحن و البولار كلوا نحيه الشرق
التانى هو عكس الاولانى و محتاج تعمل العكس تلف كلو نحيه الشرق بنفس الخطوات
التالت و انت امام الصحن ان فى اقصى الغرب و برضو اقصى الشرق بتلاقى زياده لما تزق الصحن لورا يبقى عايز تقلل ديكلينشن و تزود ميل البولار
هترجع تانى بالمتور لقمر 13 شرق و ترفع ميل البولار نص درجه مثلا من 57 ل 57,5 طبعا الاشاره هتقل فتعوضعها بانك تنزل الطبق لتحت من مسمار ديكلينشن
الرابع عكس التالت و انت امام الصحن ان الاشاره بتزيد فى الجمبين لما بتشد الطبق لقدام يبقى ديكلينش يزيد و البولار يقل
هترجع على قمر 13 شرق و تنزل البولار نص درجه مثلا من 57 ل 56,5الاشاره هتقل و هتعوض من مسمار ديكلينشن
.......................................
ظبط الصحن البيضوى المتحرك هوا بنفس الطريقا اختلاف بس ان بدل زويه ديكلينشن هتبقى زاويه اوفست
اى صحن بيضوى ليه حاجه اسمها زاويه اوفست و بتتحسب بمعادل عن طريق معرفه طول الصحن و عرض الصحن ( مثال طول 118 سنتى و العرض 105 سنتى ) و لو الصحن محترم هتلاقى الشركه محدداليك الزاويه بالظبط زى مثال صحن انفرتوا 90 الشركه محدده الزاويه الاوفست 26 درجه
برضو فى طرابلس مع صحن النفرتو 90 و قمر 13 شرق هتظبط البولار على 57 درجه لكن ميل الصحن هيبقى ( 52 - 26 يبقى 26 درجه ) و دا الاختلاف الواحد و مفيش حاجه تانيه

[كيلانى]

بــــــــــ الله فيك ـــــــــارك

[احمد عامر]

المشاركة الأصلية كتبت بواسطة كيلانى

بــــــــــ الله فيك ـــــــــارك

تسلم ياكبير

[احمد عامر]

المشاركة الأصلية كتبت بواسطة جون ويك

:awaited::awaited::awaited::awaited::awaited:
:awaited::awaited::awaited::awaited:
:awaited::awaited::awaited:
:awaited::awaited:
:awaited:

:awaited::awaited:

[Hady_77]

الله ينور عليك يا غالي

[احمد عامر]

المشاركة الأصلية كتبت بواسطة Hady_77

الله ينور عليك يا غالي

:bearded::bearded::bearded::bearded:

[Alzmaliklove]

مشكوووووووووور

[hmahrous]

الف مليون شكرااا

[م.مالك الشحات]

بارك الله فيك

[Hassan Mosad]

شكرا جزيلا

[abu.haum]

تسلم يا غالي

[إبن السودان]

كل الشكر والتقدير

[غبور 7]

بارك الله فيك

[abdalla mohamed]

بارك الله فيك

[ابو عمار المصري]

شكرا علي الشرح الوافي

[nazer]

بارك الله فيك وجزاك الله خيرا

اي الروعه والجمال دا رائع جدا

[فارس وهيب]

الله ينور عليك

[saeed29]

تسلم جزاك الله خيرا

[king2008]

موضوع اكثر من رائع

[king2008]

الف شكر

[king2008]

بارك الله فيك