فك بولار الباراكليبس الامريكى طبق 240 وعمل صيانه له

[م.محمدالشحات]

أقدم لكم





فك بولار الباراكليبس الامريكى طبق 240 وعمل صيانه له



اولا:الاستاند كان لازق حديد في البولار ومعرفتش اخلعه حتي بعد فك مسامير البولار وكان صعب جدا.
اخدت البولار عند صنايعي حداده فنان عندنا وخلعنا الاستاند بمنتهي السهوله.
صحيح ادي العيش لخبازه ولو اكل نصفه

ثانيا:روحت بالبولار صنفرته بصنفره ناعمه لانه كان عليه طبقه تراب جامده جدا

ثالثا:فكيت مسمار المحور بتاع حرف اليو ويالاجمال مارايت .
مسمار المحور بحالته والجلب النحاس في مكانها وبالمناسبه الامريكان مبدعين اوي في الحته دي لان الجلبتين عباره عن ماسوره نحاس بعرض البولار وجلبتين نحاس قافشه الماسوره من ورا وخلف البولار بطريقه عاشق ومعشوق كبس .

رابعا:تم غسل البولار بالجاز بعد تنظيفه من الاتربه ثم دهانه زيت سيارات وتم وضع المسامير في الزيت بعد صنفرتها .

خامسا:الاستاند اللي فيه حديد 3م محمل جدا تم صنفرته ومسحه بالصاروخ وعمل صليبه محترمه له

في انتظار دراعات الاطراف والفيد ان شاء الله .
ملحوظه:مسمار جنب البولار جاي ناقص صاموله ومش لاقيها وهو مسمار مبطط لكن له شفه مربعه بتدخل في منيم في البولار ومش عارف اجيبها منين .وانا مصور صوره للمسمارين .
الباراكليبس طبق محترم جدا ويستحق الاقتناء.


الصيانة كانت عند صديق ليا

دمتم في امان الله وكل عام وانتم بخير

[ناصرالأقصى]

تسلم يداك
مهندسنا الحبيب
تقبل تحياتي

[م/توبه المصري]

تسلم يداك مهندسنا الحبيب

[م|علي فنان]

تسلم يداك مهندسنا الغالي

[@أشرف عباده@]

تَسَلُّمُ يَاغَالِىْ بَارَكَ اَللَّهُ فِيكَ

[الباشا وليد]

تَسَلُّمُ يَاغَالِىْ بَارَكَ اَللَّهُ فِيكَ

[مركز مريم]

الله ينور عليك يا هندسه

جزاك الله خيـــرا

[عمادطلعت]

الله ينور يا هندسة

[احمد الفنان]

الله ينور

[sabry_kz]

تسلم يا غالي عمل رائع