مات الغرام؟

[م فتحى العداوى]

مات الغرام اللي من أجلك بنيته
..............مات الغلا و الحب والشوق أندثر
مرحوم يا قلب بصادق الود جيته
..............لين تجرع المر وطعون الغدر
ياخسارة وقت في حضنك شقيته
..............ليالي كلها فرقى وثوانيها قهر
هذا قراراك وانت اللي خذيته
..............صديت عني بالرحيل ونويت الهجر
ليه يوم قلبي في يدينك رميته
..............ليه قتلت الحب ودروب الزهر
كنت بعيوني ملاك وحلمي اللي لقيته
..............كنت شمعة حياتي وانوار القمر
لو تطلبين العين قلت عمري لك فديته
..............من يردك يا ضنيني وكلامك أمر
خاب ظني فيك والغدر ما هقيته
..............لين شفت الموت والآلام الدهر
كفكفي دموعي يا غلاي حبنا كله نسيته
..............هذه دورات السنين وأحكام القدر
مات حبي لك وكل اللي بنيته
..............أحملي الجثمان ومني حفر القبر

[أبو يوسف الأهلاوي]